Talgat

kyzyn barma????????????????????????????????????????????????????

2011-08-15T20:54:00.001+06:00

kyzyn barma????????????????????????????????????????????????????

Answer here

пистолет

2011-03-25T06:05:00.000+06:00

Тақырып осындай енді. Бұл туралы көп ойламаймын, бірақ бүгін есіме түсіп кеткені...

Қараңғы түн. Санаулы секундттар... сенің шекеңе тақалады. Мұздай екенін сезесің, пистолет екенін ұғынасың. Мұндайда не ойлауға болады?

Негізі бұл сәтте ұзақ ойлануға уақыт жоқ, әрекет ету керек. Сан миллион ойлар зуылдап өте шығады, солардың дұрыс-ау деген біреуіне, бәлкім бірнешеуіне жармасасың. Салқындық - бұл сенімділіктің белгісі, қорқынышқа орын жоқ.

Ештеме ұстап тұрған жоқ, өз еркің өзіңде. Не барсың, не жоқсың - бұның алып бара жатқан айырмашылығы жоқ. Оны мен жақсы білем. Көзді тастай жұмып, еңіреп жылаудың да қажеті шамалы. Қайта тынысың кеңейіп, көзің оттай жанады. Қызық.

Қарулы бейтаныс қарсылас қорқынышты емес. Бұл бір тәтті сезім: одан биіксің, қайта ол сенен қорықсын!

Енді ойланып отырсам, бұны басымнан өткергенім қандай жақсы болған. Ештеме өзгеріп кете қойған жоқ, бірақ белгілі бір жайттар айқындала түседі. Өкініш жоқ, өмір өткінші. Қару қандай суық болса, оның көздеген адамы да сондай суық. Ол - мен.

Ойсерік

2011-03-25T02:52:00.001+06:00

Ой. Ол менімен үнемі бірге. Таңертең тұрғанда кешегі ойларды еске түсіріп, соның дұрыс-бұрысын таразыға салумен басталады да, әрі қарай ойға ой қосып, ойлау кеңістігі кеңейіп кете береді.

Қазір не ойлап отырмын? Терезеде сығалап тұрған толық айға көзің түседі... бетіндегі үлкен үш дақ: екеуі көз, үшіншісі - аңырайған ауыз секілді. Жақынырақ барып қарайсың, бәз бір көзілдірікте телескоп бардай... Негізі бұл жерде ақылға сиярлық ой да жоқ, болмашы бірдеме.

Кейде небір ойлар келеді ғой, әсіресе өзіңмен-өзің жалғыздыққа беріліп, түннің үлесін үгітіп отырғанда... Олар, әдетте, күнделікті күйбең тіршілікте келе қоймайтын, сондай бір ұялшақ, сығалап келетін ойлар. Мен оларды жақсы көремін. Олар жаңалық алып келеді, тіпті көзқарасыңа қайшы, одан бетер радикалды болып түседі. Ол аз десеңіз, ойыңда орнығып алады да, соны түзетулер енгізеді, болмаса жаңаша көзқарас қалыптастырады, ізденіс туғызады.

Ойыңа ерік берсең болғаны, ұйқың қашып соның жетегінде кетесің. Әдеттегі жағдай. Кейде ұйқының басын жалғап, өліара күй кешесің. Оятып алады да, мидың бір түкпіріне тіркетіп қояды. Не болмаса түсіңе кіріп, жалғасын ертесіне ғана есіңе түсіресің. Неге олай деп ойлайсың, кейде ойыңнан ұяласың да, оны жерлей саласың. Сенімсіздік?

Олар сұрақ туғызады. Түн ұзаққа созылатын сияқты...

Вакансия: STAN журналистерді шақырады/ приглашает журналистов

2010-12-02T22:10:00.000+06:00

Stan.kz видеопорталының қазақ қызметіне Атырау, Ақтөбе, Ақтау, Астана, Алматы және Шымкент қалаларында жұмыс істейтін кәсіби, тәжірибелі журналистерді жұмыс істеуге шақырамыз. Азаматтық позициясы бар, өз кәсібін сүйетін, телевидение, интернет саласын меңгерген, жазу қабылеті мықты жур…налистер болса, төмендегі электронд…ы поштаға резюмелеріңізді жіберіңіздер: zhuldyzt@mail.ru

Видеопорталу Stan.kz в казахскую службу требуются опытные журналисты для работы в регионах Казахстанта в том числе Атырау, Актобе, Актау, Чимкент, Астана и Алматы. Тот, кто любит свою профессию и уверенно в себе, пожалуйста, отправьте свои резюме по адресу: zhuldyzt@mail.ru

Что мне не нравится?

2010-11-19T04:20:00.001+06:00

Ненавижу ложь. Не нравится пустая болтовня. Я ненавижу сплетни. Не нравится скупость и бережливость людей. Не люблю цинизм. Я не люблю, когда плюют в душу. Не одобряю насилье. Ненавижу подлость. Не терплю излишнее любопытство. Не нравится глупость. Не люблю жалость. Я против диктатуры. Я не люблю…

N: у тебя есть цель на жизнь?

2010-11-05T04:24:00.001+06:00

Бұл сұрақты маған түнгі интернет әлемінде Skype-пен бір құрбым қойды. Менің жауабым да дайын сияқты ма қалай, мен оған Talgat: нет деп жауап қаттым. Шын мәнінде, бұл сұрақты маған бұған дейін де қойған еді, жоқ деген жауапқа таңырқай қараған-ды. N құрбымның да жауабы "жоқ" екен: N: вот такая же уйня... Бұл сауалды оған екеуміздің ортақ танысымз қойыпты. Екеумізге қарағанда M құрбымыздың өмірдегі жоспары бар екен: N: у неё проект - вйти замуж и родить детей. "Talgat: и каким образом она этот проект продвигает?" деп мен де өсекке араласам. Әрі қарай әңгіме қыза түседі:
N: назначила интернет-свидания вчера уже с одним виделась
Talgat: намечает цели и стреляет стрелой Амура?
N: намечает
Talgat: и каждый раз мимо? 8-
N: не знаю, но что-то делает...
Кісінің өмірі басқаға қашан да қызық қой, үйренгісі келетін шығар, бәлкім? Неге екенін білмеймін, бұл сұрақты мен ешкімге қойып көрмеген сияқтымын: у тебя есть цель на жизнь?
/құрбыларымның аты-жөні өзгертіліп берілді/

Альберто Контадор «Астана» клубынан неге кетті?

2010-08-03T17:50:00.003+06:00

Велоспортшы Альберто Контадор келесі жылы даниялық «Saxo Bank» жейдесімен жарысқа шығатын болады. Клуб басшылығы испан спортшысымен келісім шартқа отырғандығын хабарлап отыр. Бірақ келісім құны айытылмады.

Сонымен Кондатор «Астана» командасын тастап кетті. Қазіргі күні әлемдегі ең атақты велоспортшы қазақ клубынан неге кетіп бара жатқандығын ашып айтпады. Контадордың «Астанадан» кететіндігі өткен аптада ғана белгілі болған-ды.

Азаттық радиосының бір оқырманы Контадордың басқа клубқа ауысу себебі туралы пікір қалдырған екен. «Қазақ» деген атпен кірген бұл оқырман «Контодордың не себепті Астана клубынан кетіп жатканын менен артық ешкім білмейді» дей келе, оның кетуіне астаналық шенеуніктердің сорақы әрекеті себеп болған деп баяндады.

«Тур де Франс жарысы басталардан бір ай бұрын, президенттің жақын адамдарының бірі: "егер де осы жарысты ұтатын болсаң, саған клубтың есебінен ғана емес, өзіміздің қалтамыздан жаксы сыйлык жасаймыз" деген болатын. Контодор ұтты. Сол сәтте оған астанадағы бір шенеунік телефон шалып, акыры ұттың ғой, осы жеңісімді президент Назарбаевқа арнаймын деші деп өтінеді. Ондайды көрмеген Контодор, жок деп кыска гана жауап береді. Кейінен әлгі сыйлык береміз дегендер, сөзіңді біздің басшыга кимадың гой деп, бастапкы уадесинен бас тарткан. Енди Контодор оларга ренжип, биздин Астанадан кети бара жатыр» деп жазды «Қазақ».

Осында айтылған жайттардың қаншалықты өтірік-расын білмеймін. Бірақ сондай бір шикілік бар сияқты ойда қалып отырмын...

Диего Форлан - Әлем Кубогының "үздік" ойыншысы

2010-07-07T22:18:00.000+06:00

Уругвай құрамасының 31 жасар шабуылшысы Диего Форлан ұлттық командасын жартылай финалға дейін жеткізді. Уругвайлықтар әлі Кубоктың қола жүлдесі үшін таласатын болады.

Мен үшін чемпионаттағы ең тартысты өткен ойын - Уругвай-Гана кездесуі. Ал, дүбірлі турнирдің ең үздік ойыншысы ретінде Диего Форланды айтар едім.

Монтевидеолық Диего Африкадағы чемпионатта алты кездесу өткізіп, төрт гол соқты. Ширек финалда Форланның Гана қақпасына соғылған жалғыз голы Уругвайды жартылай финалға алып шықты. Голландиямен кездесуде Форлан есепті теңестіргенде Уругвайдың финалға шығу мүмкіндігі артқандай көрінген еді. Бірақ уругвайлықтар Әлем Кубогында бірінші мәрте жеңіліс тапты. Дегенмен Перейро, Суарес сынды футболшыларды танып қалдық, Форланды үздіктер қатарына қостық. "Нағыз капитан осындай болуы керек" деген ой келді. Форлан үздік ойыншы атануға лайықты!

Еуроспорт менің ойларымның дұрыстығын растағандай) Әлем Кубогындағы ойыншылардың символикалық құрамасына монтевидеолық футболшыны қосыпты:

Шабуылшылар: Диего Форлан (Уругвай), Томас Мюллер (Германия), Мирослав Клозе (Германия).

Сіз қалай ойлайсыз? Ой қоса отырыңыз:

«Хан талапай» ойнайық!

2010-06-29T23:10:00.000+06:00

Бала кезімізде «Хан талапай» ойынын жиі ойнаушы едік. Ұмытып қалғандарыңыз болса, ережесін қысқаша түсіндіріп өтейін.

Ойынға ондаған асық және қызыл түске боялған тағы бір асық керек. Қызыл түсті ерекше асық – хан. Ойынға қатысушылардың саны екеуден көп болуы тиіс.

Ойын басында асықтартарды уыстап алып алаңға шашу керек. Одан соң бүгінен, шігінен, алшысынан түскен асықтарды өз теңімен, яғни бүк түскенін бүгімен шертіп отырып ұпай жинаймыз. Асықтарды тигізе алмаған ойыншы кезекті келесі ойыншыға береді. Қызыл асық – хан ең соңғы кезекте шертіліп алынады. Ханды алған адам ойынды ұтады. Қалған жеңімпаздар жинаған асықтарының санына қарай анықталады.

Ойынның ең қызықтысы – «хан талапай». Асықтар уыстап шашылған кезде қызыл асық алшысынан түссе ғана «хан таланады», яғни ойыншылар қырағылық танытып, үлгергенінше алаңдағы асықтарды мейлінше көп жинап, ең бастысы ханды алуға тырысу керек. Ереже бойынша қызыл асық қолына ілінген ойыншы жеңімпаз атанады.

Бұл ойынды жылдың кез-келген мезгілінде ойнауға болады. Әдетте жаз уақытында көп ойналады. Әдетте асықтар қызыл немесе басқа да түстерге киіз бен кілемге арналған жүндермен бірге боялады. Яғни, «хан талапай» ойнайтын уақыт келді.

«Хан талапай» ойнайық!

Бүгін менің туған күнім...

2009-11-13T00:00:00.021+06:00

Мен бүгін 29 жасқа толдым. Саналы өмірімнің үштен бірі артта қалған сияқты. Өкініш жоқ.

Өткенді еске алдым. Қателескен кездерім болды. Қорытынды шығаруды үйреніп жүрмін.

Бүгінгі жағдайымды сараладым. Одан да жақсырақ болуы мүмкін еді. Көп нәрсе өзіме байланысты.

Болашағыма көз жібердім. Мақсаттарым бар. Бәрі өз қолымда...

ROZA

2009-10-01T18:53:00.012+06:00

Есімі Роза екен... Мен оны ең алғаш рет қай жерде және қашан көргенімді есіме түсіре алмадым, бірақ оның сұлу күлкісі бірден көз алдыма елестейді. Сосын шашы қысқа болатын... "Шашы қысқа қыз" деп атайтынмын мен оны.

Ол иран қызметінде жұмыс істейтін. Мен оны жұмыста жиі көретінмін. Ол темекі шегетін еді, мен де темекі шегу үшін төртінші қабатқа жиі көтерілетінмін. Мен оның жалғыз тұрғанын көрмеген сияқтымын: үнемі әріптестерімен бірге дауыстап әңгіме айтып, әзілдесіп тұратын. Ол мені білетін...

Бір күні мен иран қызметіндегілер Вацлав алаңында Махмуд Ахмадинежадтың екінші мәрте Иран президенті болып сайланғандығына қарсы наразылық акциясын өткізіп жатқанын көріп қалдым. Олар мені бірден таныды, акцияға қолдау көрсетіп, үн қатуымды, дәлірек айтқанда алаңға төселген жасыл түсті материалға қол қоюымды сұрады. Әріптестеріме қолдау көрсеттім. Қазақ қызметінде жұмыс істейтінімді, жақында Алматыдан келгенімді айттым. Роза оны естіді. Содан жұмыста иран қызметіндегі әріптестеріммен, Розамен де амандасып жүрдік, бірақ сөйлескен емеспіз.

Мен оның есімін осы уақытқа дейін білмеген екенмін. Мен үшін ол "шашы қысқа қыз" болып қала берді. Маған оның есімі Неда секілді көрінетін. Неда - биыл жазда Теһрандағы толқулар кезінде қаза болған қыз, Ахмадинежадтың екінші мәрте президент болып сайлануына қарсы қозғалыстың "символы". Бірақ оның есімі, мен ойлағандай Неда емес, Роза екен.

Оны соңғы мәрте көрген кезім есімде қалыпты. Алматыға қайтуға дайындалып жүрген күндердің бірінде жұмыста көрдім. Екеуміз есікте кездесіп қалдық, оған жол берген едім, ол рахметін айтты-ау деймін, онысы есімде жоқ, бірақ маған қарап жымия күлгенін жақсы білемін. "Мен сен туралы бірдеме білемін" деген секілді жұмбақ күлкі...

Алматыда қарбалас жұмыс күндерінің бірінде иран қызметінде істейтін үш адам көлік апатына ұшырағандығы туралы хабар келіп жетті: екеуі қайтыс болыпты, біреуі аураханада қал үстінде жатқан көрінеді. Бірақ олардың нақты кімдер екендігі белгісіз. Ойыма бірден сол қыз түсе кетті, "шашы қысқа қыз" жоқ па екен араларында?" деп сұраймын хабаршыдан. "Көңіл айтып келдік, суреттерін көрдік, қайтыс болған екеудің де шашы қысқа екен" деп жауап берді. Интернеттен Farda радиосының сайтын тауып алып ашқаным сол еді, екеудің суреті тұр, солардың біреуі Роза екен.

Болашақта Прагаға жолым түсе қалғанда онымен сөйлесермін, мүмкін араласып та кетермін деп ойлайтынмын. Осындай ой Розаның дәл қазір арамызда жоқ екендігін сезіну үшін санама ерік бермейтіндей көрінеді.

Азаттықтың иран қызметінің тілшілері - Роза 27-де, Әмір 29 жасында дүниеден озды.

Роза мен Әмірді жұма күні Прага ақтық сапарға шығарып салады.

"Тес жегір" деген сөз тіркесінің мағынасы немесе "тас" жегенім жайында

2009-09-20T23:01:00.001+06:00

Қазақта "Жаман жегенін айтады" деген мақал бар. Көпшілік алдында жаман көрінгім-ақ келіп отырған жоқ. Бірақ өзімнің есімді қалған қызық оқиғаны баяндағым келеді. Бұл оқиға Прага қаласынан шамамен 100 шақырым жердегі фермада болған еді.

Бір күні әріптесім Ержан мені жәні Месуд есімді түрік жігітін өзімен бірге чех фермасына барып қайтуға шақырды. Мақсат - үш айлық тоқтыны сатып алып, сол жерде мұсылманша қанын шығарып, етін үйге алып келу. Шетелде демалыс күндері қолымыз алаңсыз бос жүрген біз дереу келісе кеттік: чех ауылын көргіміз келеді.

Таңертең ерте Ерекең екеумізді өзінің мәшинесімен алып кетті. Карта мен автонавигатордың көмегімен чех фермасын қиналмай тауып бардық. Қожайыны, құрылыс саласында табысы жеткілікті екендігіне қарамастан, өз иелігіндегі жерде мал өсірумен әуестенеді екен. Мұнысын ол ақша табудың көзі емес, хобби деп түсіндірді фермер.

Ерекең үш айлық тоқтыны (үш айлық екендігіне қарамастан қоңды, таза салмағы 20 келіден кем түспейді) бауыздап, әне-міне дегенше жіліктеп тастады. Сөйтіп сол жерде басты үйітуге кірісіп кеттік. Сол сәтте тоқтының "тасы" туралы әңгіме басталды. Ерекең оны үйітіп жесек деген ұсыныс жасай кетті. Мен бірден қолдай қоймадым. Түрік досым Месуд болса осындай тастан ұлттық тағам дайындайтындығын, тәтті болатындығын айтып шықты.

Сонымен бас үйітілген жерге екі "тасты" да қоса шыжғыра бастадық. Көп уақыт кеткен жоқ, ұстазымыз Ержан экзотикалық асқа қосып жейтіп пияз пен тұз сұратты. Көшпенді қазақтың бұл қылығына таңдана қараған чех фермері, мұның бәрін қызық көріп, қажет нәрселерді әкелді. Барлығымыз шағын дастарханға жақындадық.

Дәмі? "Тастың" дәмі тәтті деп айта алмаймын, күнделікті жеп жүрген тамақтан өзгеше болады екен. Шынымды айтсам, өзімде жиіркеніш сезімінен гөрі қызығушылық басым болды. қасымдағы әріптестерім, одан қалды чех фермері (аты есімде қалмапты) тамсанып тұрып жеп алды. Сөйтіп бәріміз "тас жегір" атандық)))

Келесі айда Ерекең екеуміз тағы да мал союға фермерге барып, оның тасын үйге әкеліп шашлықпен бірге пісіріп жетік.

Қазақта "тас жегір" деген сөз тіркесі бар екендігі есіме түсіп отыр. Бұл қай тас? Ой қоса отырыңыздар, құрметті оқырмандар.

Қадыр түні туралы

2009-09-16T01:09:00.000+06:00

Қыркүйектің 15-інен 16-на қараған түн - Қадыр түні екен. Сонымен ұйықтамай отырған жұмыста. Мүмкін келер, мүмкін келмес))) Қанша мәрте күткенім есімде жоқ, бірақ солардың бірінде де Қадыр атаны көргенім жоқ. Біреулер үшін күлкілі естілуі де мүмкін. Шынымды айтсам, күтіп отырғанда ақ сақалды, үзын бойлы, шапан киген, белдігі бар, қолына ақ қурай таяқ ұстаған ата осы кіріп келеді деп ешқашан ойлаған да емеспін. Әрбірден соң жұрт секілді тілек тілеуді, көпшілікпен бірге мешітке бару ойыма кіріп шықпайды. Ұйықтап қалатыным да бар. Сонымен, құрметті достар, қасиетті саналатын Қадыр түнінде Сіздер қандай қызықтың, нендей кереметтің куәсі болдыңыздар?! Қадыр атаны көргендеріңіз бар? Мен сипаттағандай ма екен, әлде басқа ма?))) Айта отырыңыздар. Қадыр түнін көз ілмей өткізіп отырған менің Серік есімді бір досым "ondai ugym zhok musulmanshylykta" деп еді. Сіз не ойлайсыз? Сөз кезегі өзіңізде: